Hitskin.com

السلام عليكم ورحمة الله وبركاته
واش راكم خاوتي لاباس بخير الحمد لله

المهم قبل العيد تاع الحب هاذا زعما، رحت قضيت قضية وروحت في البيس، وقفت شويا من بعد
وقف واحد قعدت في بلاصتو، زمان وحدة كانت واقفة اللورا طاحت،
انا كي شفتها طاحت مسكينة وقفت وقلتلها تفضلي ختي أقعدي
مسكينة حارت وقاتلي بارك الله فيك ...(وراكم تعرفوا خوكم متربي
ونوقفلها حتى لوكان ما طاحتش ههه)
المهم قعدت وانا واقف قدامها، زمان حلت الساك تاعها وجبدت شيكولا
ولا قاطوا وقاتلي هاك خويا كي وقفت وخليتني نقعد؟ انا حرت ودهشت
وحكمت وقلتلها بلا مزية ختي ولحتها في الجيب، والله يا خاوتي مافهمتش
كيفاه لحت يدي وحكمتها عليها، الله غالب جامي وحدة عطاتني شيكولا
ولا حلاوة عليها دهشت راني وليت منهم........ Lol

من بعد كي هبط جبدتها من جيبي وطيشتها فوق واحد الدار رايبة ههه،
خفت على روحي من السحور ههه
من بعد مت بالضحك على روحي وقلت راني وليت من الجماعة الي زعما
تخاف من السحور، وانا كنت نحير فيهم ...
بصح طيشتها وندمت باين بنينة هههه، اي باينة ماراهيش راح تعطيني حلوة
تاع ميات فرنك ..
أيا حلل وناقش الجماعة ألي تخاف على روحها من السحور وماتاكلش البرا
في اكثر من 4 اسطر واقل من 8 اسطر ههه
هل عندهم حق، هل راحت النية، هل واحد يمد لواحد ماكلة ولا قاطوا
يشكوا فيع !!! ...

ملاحظة:
ندمت ماقلتلهاش هاكي النيميرو تاعي كاشما تحتاجي ههههه
وليكم الموضوع بخط ماكانش هههه
والله يالوكان تضحكو ...
وإذا عجبكم الخط تولي ديما هاذي هيا العقلية هههه
ويرجى عدم سرقة الفكرة والعناد والمعاندة احم احم ...